[娛樂] 張崇德唔會放棄為大仔討公道

張崇德唔會放棄為大仔討公道
( 2012-02-26 )


張崇德為亡兒 控訴醫委會拖字訣( 2012-02-21 )
七年冇真相 忍無可忍 張崇德長子死忌大控訴


[轉載/Youtube] 張崇德與劉美娟的長子天藍05年出生一日疑因院方疏忽照顧死亡,多年來夫婦向醫委會申訴,但至昨天長子逝世7年仍苦無結果,張崇德惟有在微博吐鬱求助。他並謂次子出世時因院方人手不足疏忽照顧而在ICU留醫,希望港府能正視雙非孕婦問題。

劉美娟05年2月18日在聖德肋撒醫院為丈夫張崇德誕下長子天藍,豈料天藍出世一日便夭折,令夫婦二人大受打擊。為幫兒子討回公道,劉美娟和張崇德08年入禀高院控告院方及相關醫生在分娩過程中疏忽造成意外,結果09年雙方協議庭外和解,張崇德夫婦獲得賠償。

怕有更多受害者
不過,張崇德夫婦最大心願是希望討回公道,盼醫務委員會對失誤醫務人員作出處分,奈何過去7年醫委會一味拖字訣,令張崇德忍不住在昨日兒子逝世7周年的日子在微博吐鬱求助。他說:「7年前的今日,我的兒子『天藍』離開了這個世界。我用了整整7年時間向醫務委員會作出申訴, 但到了今天卻仍未得到他們的調查結果及報告。有傳媒朋友可以幫忙嗎?有誰可以幫忙?也請各位幫忙轉發,讓更多人知道他們是如何處理申訴的!謝謝!」
記者昨日致電張崇德,他無奈地說:「件事一發生,我哋已經去信醫務委員會,開頭話會睇一睇個case,跟住就話調查緊,之後話搵嗰兩個醫生了解吓,一路係咁拖拖拖!每一次都要延遲,7年係太過份!香港係自己長大地方,居然醫療係咁樣,好無助!我目的係希望如果真係醫療問題,應該有班專家去監管,睇吓呢啲醫生有冇嘢要處理,等唔使再有受害者,家拖吓拖吓好古怪!如果個醫生有問題,佢仲繼續行醫7年,咁係好危險!作為市民,有乜可以保障我哋生命?作為納稅人,政府係咪有啲嘢要維持住,包括醫療?」

次子凍到肺有事
對於近日內地孕婦湧到香港生仔,導致香港醫療人手不足,張崇德表示自己亦曾受有關問題影響:「我第二個仔同細女出世都遇過呢啲問題。第二個仔出世時醫院因為唔夠人手,好多內地產婦,我個仔出世後等沖涼等咗9個字,原來佢哋擺咗佢喺手術室張枱度冇人理,凍到個肺有事,住咗ICU九日。當時個護士長同我哋講:『唔好意思,因為唔夠人手,隔籬個孕婦啱啱生,我哋走咗過去。』當時我哋冇追究,諗住個BB冇事就算。你哋又收錢,但又提供唔到一個合乎標準嘅服務,呢個問題就係冇人正視,一路繼續出現問題。」

Popular Posts